سجل دخـولك للملتقى بـ (( بيـت شعـر ))..

يا عزاه من فرقا من تحب يا عزاه
الى من خذاه البعد واقفى ولا جابه

الى مات ذكره طاري الشوق جاء واحياه
والى طرو اسمه فز قلبي وحيابـــــه

يا حيه قبل يجفـى .. وحـي الوصـل حيـاه
ويا حي الطريق .. اللي حصل والتقينا بـه..

يــا آخـــر الـحب ذقــت الـحب في أولـك
ويا أول الشــوق أقـصى الشــوق ما ينتهيك

علمتني كيف أعرفك لين صرت أجهلك
ضيـعـتني في مـتاهاتـــك وكـنت ارتجيك

مادمت صرت في حياتك عابر سبيل
الموت لي رفيق ولو خطوتي تخون

ما عرفتي بحبي الا يوم صرت قتيل
قتيل حبك مات وحبك بقلبه مصون

نحـنّ ونشتـاق وأشـواقـنا جنونـيّـه
وأشوفـهـا وأتخيّـلـهـا وأكـذّبـهـا

وأقـول للوقـت لا أخذهـا مـن إيديّـه
إن كان ما خذتني مثـل أخذهـا \ جبهـا

ترفـه وأحاسيـس خافقـهـا خيالـيّـه
ما أقدر على حبّها بـس أقـدر أعجبهـا

علاقتـي مـع هواهـا شبَـه سطحـيّـه
ودّي يجـي يـوم تجرحنـي وأعاتبهـا !

سحابـةٍ مـن مطـر الإحسـاس ممليّـه
تلاعـب الغـيـم والغـربـي يلاعبـهـا

وقـتـي معـاهـا دقايـقـهْ وثوانـيّـه
أسرع من اللحظه اللـي مقـدر أحسبهـا

ياغزال قط قلبي على جال السعير
عــزّ الله إنـه بـنار الـغــلا كـواني

لعنبو حيّك ماترحم الي غدى كسير
وإلا يكود يبلاك ربي بالي بلاني

ليلى:

ويحَ قلبي من حبيب غاب ......عني وتــرك القلب حيرانا
أكان حباً يا قيس ما رأيته......أم كان حبك لي زوراً وبهتانا

قيس:

أتشكينَ يا ليلى في حبي......لك والقلبُ مفجوعٌ بما كانا
تُزفينَ يا ليلى إلى غيري......وأبيتُ ليلي بالهمومِ غرقانا

جيت انا عابر سبيل ورحت مبتلي في غرامه
ليتنــي ماجيــت لكن قسمـــــةٍ ربي قسمهــــا

الغزال الشارده فيها العفاف مع الشهامــــه
واعتقد ان الوفا والطيب شيمةٍ من شيمهــا

نجم حبك في سما النفس متعلي
ارقبه في صحوتي واشباه نومي

دايم باسمك سواليفي تزلي
ودايم اسمك يسافر مع حلومي